Paralizada preventivamente a execución do parque eólico de Campelo

05/10/2022

Línea Verde

info@lineaverdemunicipal.com

O Tribunal Superior de Xustiza de Galicia (TSXG) paralizou preventivamente a execución do parque eólico de Campelo, entre Coristanco e Santa Comba, cuxas obras aínda non empezaron. En realidade, paraliza nun auto, de xeito temporal, o acordo do Consello da Xunta de novembro pasado de autorización administrativa previa e de construción, en tanto non se resolva o fondo do asunto, relativo á suposta fragmentación dun parque en tres (os outros dous sería Monte Toural e Bustelo, ademais da redución da información pública).

E o asunto afecta o proxecto completo, tras o recurso de Adega e a Plataforma para a defensa da Cordilleira Cantábrica, aos que dá a razón, aínda que lles impón unha garantía de 10.000 euros. Din os xuíces que actúan así para «favorecer a protección do medio ambiente», cunha suspensión que estará activa «ata que se decida o fondo do debate». Noutras palabras, elimina a urxencia das obras, a pesar de que entre os argumentos da promotora estaba a situación económica mundial actual. Os xuíces xa lembran que este parque non é de agora, senón que vén dun anterior do 2010.

Este parque, en efecto, partiu dun proxecto de Kaekias , que ía ter catorce muíños. Despois pasou a once, e finalmente, a nove , tras un informe do Instituto de Estudos do Territorio pola proximidade da Lagoa de Alcaián, en Seavia. Cada un, de 111 metros e 4,5 megawatts.

A actual promotora é Greenalia. A compaña indicou que tras recibir a notificación do auto emitido polo TSXG, está a analizar en detalle o fallo para decidir os pasos a dar ante o establecemento das medidas cautelares, «dado que non é firme e cabe recurso». «Desde Greenalia queremos reiterar que, desde a compaña, cumpríronse escrupulosamente todos os trámites establecidos na normativa vixente», engade.

S. G. RIAL / LA VOZ DE GALICIA

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies